دماغي بتلف على الفاضي
الاول لازم أعترف أنى عملت مدونه من باب مواكبة الموضه .. والحقد الإلكتروني
ياعنى أعتقد ما فيش مصري من غير مدونه الأيام دي
مصري ياعنى معاك موبايل عندك أميل وغالباً فيس بوك ومدونه
""صدق من قال أللى بنى مصر كان في الأصل بلوجر كبييييييييييير"""
المهم
فكرة تدوين أيه بقى بالظبط ... دي اللى كانت عملالي صداع .
وعلشان أعرف أحدد خط بالظبط
قال أيييييييييييييييييييييييييييييييه.... قولت ألفلف على مدونات خلق الله!!!!!
:-(
وده إللي جرالي
طبعاً مادام قولت مدونات مصريه يبقى أكيد حبدأ بـ وائل عباس"الوعي المصري"
وسعتها كان كليب البنت اللى بتقلع بالإكراه هو إللى شاغل الكل ع النت""على فكرة ما شوفتوش""
المهم ...
والله برافو عليك يا عم وائل .. لا فاضحهم صحيح
وبدأت ألفلف ف المدونه جوه شويه
وأدعبس ف حجات قديمة
وأتفق معاه ف أراء كتير وأختلف سعات
وده عادي جداً ... ما أحنا بشر برضو
المهم .. كان وقتها موضوع معبر رفح .. وفتح المعبر مع فلسطين
وصور للناس""غير معروف الجهه اللى تابعين ليها بالظبط"" على الجبهه الفلسطينيه وهما بيضربوا نار على العساكر المصريين ومنهم صورة فيها كلبين ما يتين وعساكر مصابة فعلا ً
وكتب وائل وجهة نظره فى الموضوع
وغطا الأحداث بصور كمان من أرض المعركه """يا حلاوة .. بكلم محوي"""
وأنا بقى لسه الصداع عندي .. نتيط عند خاتي طنط ""نوارة نجم"" ف""جبهة التهييس الشعبية ""
(وليا موضوع تانى طويل مع طنط نوارة أن شاء الله)
وهبا .................. ألاقي نوارة كتبه موضوع وجايبه فيه سيرة وائل عباس
وبعديييييييييييييين.... ألاقي حد بيقول أنتوا ما تعفوش حقيقة وائل ...
ولو عايزين تعرفوا شوفوا اللينك ده ""وائل من يوم ولدته أمه ""
(طبعاٍ الأسم مش ده بس أنا مش ححط اللينك عشان ما بقاش سبب في نشره)
وألاقي ايه بقى
جبهة تانيه خالص مصرة أن وائل عباس خاين وكداب و... و.... و......
وعندهم أفكار برضو ... وأراء كانت جديرة بالإحترام .... لولا................
كمية الشتايم والبذائات وقلة الحيا إللى ف الكلام
حسيت أنى حرجع
وبدل ما الصداع يروح أضفت عليه وجع البطن
المهم
بقى الف على مدنوات خلق الله أدمان
فاكرين (وأخرج من نقرة لدحضيرة ومن فخ لـ فخ - والدنيا تشيلني وتهمدني طاخ طيخ طوخ طخ)
والله ما فيه حاجه حتبقى معبرة أكتر من كده
أييييييييييييييييييه ده .......
الأخوانجي والعلمانى والأشتراكي والملحد والمحترم وسليط اللسان والولهان واللى مش طايق نفسه واللى فاهم واللى طاقق واللى مهرتل والغبي والـ ,,,,,,,,,,
ياااااااااااااااااااااااااااه
صداع فظييييييييييييييييييييييع
طبعا أنا كنت بس ببص .. أو بالأصح بنط
من صفحه لصفحه ومن مدونه لمدونه
وبجد تعبت جداااااااااااااااااااااااااااااااً
وحصلي حهعوتارقثصخ ف نفوخي
وبقيت طول الوقت بتكلم على مدونة فلان أو فلانه وكلام علان وعلانه ورأي العاقل ولا الطاقق
وطبعاً بالوقت وتمقيق العين أتعلمت أعرف أتجاه صاحب المدونه من أول دقيقتين بالكتير
من الصور واللينكات واللوجهات إللى غالباً ما بتعبر بشكل يغني عن الكلام
ومن ردود وتعليقات الناس إللى بتكون مؤشر مهم دايماً
الخلاصة
قررت أنى ............
يا سلااااااااااااااااام
بعد ما أنا الف شهر وتطلع عينى ف مدونات الخلق
أقول الخلاصه بعد كام سطر
طب ده أنا ما جبتش سيرة غير الاخ عباس
لسه شويه
عايزه أحكي عن نوراة الأول
وبعدين غادة "عايزة أتجوز"
وبعدين .......
تابعوا بس وأدعوا عمر يسيب كم البلوزة عشان أعرف أكمل
بكرة أن شااااااااااااء الله
walaa
