عيد سعيد

كل سنه وأنتوا طيبين
النهارده الوقفه
والكلام اللي "" واقف "" ف زوري حقوله بقى
حلفت مش حتكلم خالص ع الماتش المنحوس هنا
وطبعاً بقالي أسبوع عماله أشير ف فديوهات - وأنزل ف أغاني محايده - وأنشر دعاوي خير - وعامله فيها شيخه وأقول أصلاح ذات البين

الهوجه خفت شويه ؟؟؟ طيب أتكلم بقى


من غير قلة أدب ... كسرنالهم الأتوبيس ولا لاء؟؟؟

كسرناه
وهما صوروه
وألعيال السيس اللي كسروه صوروه أهو
مش عيب علينا بقى وعيب على حكومة " أم الدنيا " أننا نقول هما اللي بطحوا نفسهم ؟ وكمان نخلي السواق يشهد معانا ؟

طيب لو حصل معانا أحنا كده كنا حنعمل أحنا أيه ؟؟ حنعديها بقلبنا الأبيض إللي زي الورد ؟؟

وبعدين أتغلبوا ... ياعني أتبطحوا مرتين.

رجعوا بلادهم مغلوبين مبطوحين .. ودول الجزااااااااااااااير .. دول لما بيفرحوا بيقتلوا ف بعض
لاء بقى وأيه ... الإعلام عندنا مش متوصي
بقى يا حوَش …..أغاني النصر - أغاني أكتوبر والشهدا - تتغنى عشان ماتش كورة ؟؟
جتكوا خيبه - جتكوا خيبه - جتكوا خيبه - جتكوا خيبه
روحنا السودان - من غير زعل بقى ولا قلة أدب - كان ماتش زباله لا لعبنا ولا هببنا
أتغلبنا
مش عارفه ما أذعناش أغاني النكسه ليه ؟

وبعديـــــــــــــــــــــــــــــــيـــــــــــــــــــــــــن ؟؟؟

ما أحنا قولنا أنهم أصلاً أصلاً بلطجيه
بعتنا أحنا مشجعينا الفنانين - وهما بعتوا البلطجيه - أحنا الأتنين غلطانين
على رأي اللي قالوا - هما شوية الممثلين اللي على المعاش دول هما اللي حيشجعوا المنتخب ؟؟
دول كانوا رايحين يعيطوا ويندبوا - زي ما يكون الحزب الوطني باعتهم أضحية العيد

المهم
اللي بعد السودان بقى هو العز كله
يالهوي
ضربونا هناك
الساعه 12 بليل الدنيا قامت وما قعدتش- أصحى من النوم على محمد فؤاد بيعيط ع اللفلفون هو وهيثم شاكر- والبرامج ما نامتش لغاية الصبح - ما صدقوا - والله بالظبط جنازة وشبعوا فيها لطم - الأرواجوز عمر اديب بقرعته اللي هي أكبر دليل على فضى دماغه - عمل أحلى شغل -فتنه بكل المعنى للكلمه - غندور باشا - مدحت شلبي - شوبير - طبعا ً القرد الصغير معتز بتاع 90 دقيقه - ونفس القناة ف برنامج 48 ساعه - وكله كوم وتامر ف البيت بيتك كوم تاني - مسسسسسسسسسسسسسسسسسسسسسسسسسسخره

منتهى قلة الأدب

شتيمه على الهوا - صور متفبركه - فضااااااااااااااايح ع الفضائيات
الناس الدول ما بيفكروش فيما كتبت أقلامهم ؟؟
مش عارفين أنهم بيسخنوا شعبين على بعض وبيعملوا مصايب




علاء مبارك
بقى علااااااااااااااااااااااااااااااااااء مباااااااااااااااااااااااااااااااااارك يتصل بالبرامج يعيط زي العيال الصغيرة
الناس قالوا أصلهم بيمهدوا لعموا جمال - وعايزين الناس تحس أنهم مننا وعلينا
وفكرة تانيه بتقول أصله وقع مع أخوا بوتافليقه ف صفقه بمليارات
بصراحه
أفهم السبب التاني وأتقبله ألف مرة عن الأول
أصل لما البزنس يسيس الكروة والرياضه - بسييييييييطه - فاهمة أنا أن كل الناس قلبها ف جيبها - مابلكم بعلاء بقى وأحنا متربين على أنه شريكنا ف كل لقمه .
لكن أبن رئيس الجمهورية - يطلع يعيط عشان عايز حد يحميه ؟؟

ياااااااااالهوي
وأحنا مين يحمينا - مين يقولنا حنعمل ايه
بقى أبن الريس يطلع يعيط ف البرامج - وتامر حسني يطلع يقول بلغني أن الرئيس مبارك متابع بنفسه الأحداث

ألطم ؟؟ لاء بجد حلطم
طيب
حسكت
حتبط
الدنيا قامت - والفيفا قالت أننا أحنا اللي غلطنا - ببساطه - الأتوبيس متصور وهو بيضرب عندنا - ما فيش صورة لمشجع مصري بيضرب بشكل واضح ف السودان
غير أن كل الماتشات ف العالم بيحصل فيها شغب بعد المباراة
لكن ما فيش ناس ترتب حملات زار تحت فندق اللعيبه - وتكسرلهم الأتوبيس
ودلوقتي عايزين نجمع نص مليون توقيع عشان نطلع الجزاير من المونديال
تااااااااااني - جتكوا خيبه - جتكوا خيبه - جتكوا خيبه
والله قرفت وأنا بكتب
أفففففففففففففففففففففففففففففف
بقى ياعني ده اللي فلحنا ف أننا نتجمع فيه
ده أحنا ما أجمعناش كده على أسرائيل ف مجازر غزة اللي كانت ف نفس وقت الماتش
الخلااااااااااااصه عشان عايزه أقوم
لو أمك أتخانقت مع مرات عمك
دي غلطت ف دي ودي غلطت ف دي
حتفضل طالع داخل تسخن بينهم ؟؟ تلم أخواتك وتطلع تقتل مرات عمك وولادها
ولا نلم الموضوع بقى ونقول نفتكرلها حاجه حلوة ؟؟؟

مش نتلم بقى !! مش نفتكر لبعض حاجه حلوة
هو أحنا ناقصين هم
جروبات عشان سحب السفير - جروبات عشان سحب المصرين اللي ف الجزاير - جروبات عشان الجزاير ما تدخلش المونديال
الظريف بقى جروبات عشان نسحب العروبه من الجزاير !!! زدي تتعمل ازاي يا خويا ؟؟؟
طيب ونبي خليهم يسحبوا بتاعتي انا كمان عشان الواحد مش ناقص هم

الظريف اللي بحق ربنا - اللي عجبني بجد ولاقيتها فكرة جامده موت طحن جداً - حزف الجزاير من لعبة بنك الحظ هيهيهيهيهيهي

جااااااامده .... صح ؟
العيد جه

نتلم بقى ونعيد على بعض
الحديث بيقول إلا المتشاحنين

أنا مش زعلانه من حد خالص
ومسامحه الناس كلها
وبدعي ربنا يهدي ويتقبل من الناس كلها
الناس اللي مش لاقيه ف حياتها مكان تنفس فيه الغضب غير ماتشات الكورة
عايز تغضب .... أعرف عدوك الحقيقي





أغضب بجد


وكل سنه وأنتوا كدة - مش كفايه بقى ؟

التجربة الأولى

الفتاه الغيرعذراء هي فضيحه مدويه لكل من حولها
رأس أبيها في الوحل - وأمها تدمع ليلاً نهاراً
أخيها يقسم أن يقتلها ليغسل بدمها عار فقدانها دم عذريتها
وياولهم لو لها أخوات إناث - لن يقترب من بيتهم أحد أبداً
أو سوف يرسل بهم أزواجهن لبيت العائله المنكوبه

عذرية الفتاة

هو ما يؤرق مجتماعتنا بالكامل منذ قرون
كبارها وصغارها

منديل الشرف

هو الختام الحقيقي لحفل الزفاف - المنديل الأبيض المزخرف بدم الشرف

أتذكر بوضةح عندما ذهبت مع أمي وخالتي لزيارة حماة الأخيرة لمرضها
وكنت طفله لا تعي شئ تصحبني أمي معها في بعض الزيارات العائليه
أثناء وجودنا دخلت سيده تبدو عليها علامات الطيبه والفقر
وشكرت الحاجه " حماة خالتي " على الأشياء اللتي أعارتها أياها لفرح أبنتها
وبمنتها الفخر - مدت يدها داخل صدر جلبابها - وأخرت منديل أبيض ملوث بالدم
وأرتبكت أمي - شعرت خالتي بالخجل - وشعرت بالغرابه
بعدها بسنوات فهمت

الآن الفتيات تتحايل على فقدها عذريتها بعملية غشاء البكارة
عملية أنتشرت فى الفترة الأخيرة - ذات تكلفة منخفضه - جعلتها في متناول من في الطبقة المتوسطه وما فوقها


المفاجأه

كانت عندما أعلن عن توافر غشاء بكارة صيني - في الصيدليات بمصر
يوضع بشكل بسيط جداً مشروح على الغلاف
سعره 15 دولار أي ما يقدر 75 ج مصري - كذبه البعض وقال ان ثمنه لا يتجاوز الـ 40 ج فقط

وقانت الدنيا ولم تهدأ
وزراة الصحة كذبت الخبر - وقالت أنها لن تسمح بدخول هذا المنتج لبلادنا أبداً
الصيدليات نفت توافر المنتج لديها وقالوا أنهم "" سمعوا "" به ولم يتوافر بعد
النت والجرائد والمدونات - تقسم أنه موجود في كل صيدليات مصر
ولكنه يباع بشكل غير رسمي - أي ما يسمى بالسوق السوداء وتحت السلم

بصراحه

شعرت بمنتهى الشماته وأنا أتابع تلك الأخبار

وأخرجت لهم لساني حتى كاد يلامس الأرض


لكل هؤلاء اللذين لا يفكرون الا بنصفهم السفلي - لكل من يظن أنه أمتلك أنثاه لمجرد أنه " فض " بكارتها
لكل من أبهجته نقاط حمراء على منديل أبيض
نعلم جميعاً أن تربيتنا الجنسيه تربيه خائبه - خائفه
من يظن نفسه " أستاذ " و " فلحوس" قد أكتسب خبرته من أفلام مبتزله لا تمت للواقع بصله
أما الفتيات فهن بأعين مغمضه - أشبه بذبيحه تعلم جيداً أنها سوف تذبح - وتزف الى مذبحها بفرح

أخرجت لساني لكل من ظن أن زوجته هي نقاط تسال فقط - وأن لم يجد تلك النقاط ... ربما قتل زوجته دون تردد
لكل من فض بكارة زوجته - ونام هنئ العين - ظناً منه أنه تملكها - وتركها لتعاني وحدها
لكل من حكم على فتاة لمجرد أنه سبق لها الزواج وطلقت أو رملت - أنها "" سكند هاند "" مستعمله أو درجه ثانيه
أخرجت لهم لساني - وبثقت على وجوههم
ورقصت طرباً

أختى الفتاة الغالية

أنت لست مجرد غشاء يفض - وتفض معه حياتك
أنت لست نقاط تسال
أنت حرة

الأن بكارتك ثمنها 40 ج -فكرة الشرف و العفه والرعب الأبدي اللتي تحيي فيه قد أنتها
بأمكانك ركوب الدراجه دون الخوف والحذر
ركوب الخيل - لعب الباليه والجمباز
يمكنك الأن الإستمتاع بالحياة - دون الخوف على الـ 40 ج

فتاتي

التجربه الأولي - هامه جداً
اللمسه الأولي - الحب الأول - الدفء الأول
أن وجودك في أحضان من يستحقك - من تحبين - أغلى من كل كنوز الأرض

لم يعد الأمر يحتاج كل هذا الزعر

ولكن يحتاج لان تعلمي بأنك دون ذلك الغشاء أو به - تساوي الكثير جداً
أن اردتي أن تحفظي نفسك - وتصونيها لأحضان من يستحق
أن أردتي أن تدفنيه داخل أنفاسك قبل أن تقبليه داخلك
أن أردتي أن تهديه ما لا ينسى - فقط أن أردتي فقط
لك أن تحفظي له التجربه الأولى

أما أنت فيجب أن تعلم أن المرة الأولي - ليست نقاط حمراء

المرة الأولى - هي دفء مشاعر - تبكي الاعين من الفرح - ليس من الألم
المرة الأولى - حالة أنتشاء وخروج عن المألوف - ليست ترقب وتحسب
المرة الأولي - لك ولها - هي أغلى بكثير من 40 ج مصري


شكراً للمنتجات الصينيه التي جعلت الحقائق تظهر بشكل أوضح وأفضل