لما عملت مدونة أعترفت بمنتهى الوضوح أني عملتها من باب الحقد الإلكتروني ياعنى أشمعنى كل الناس دي عندها مدونة وأنا لاء.
بـــــــــــــــــس
ده كان 90% بس من سبب أني أعمل مدونه
بـــــــــــــــــس
ده كان 90% بس من سبب أني أعمل مدونه
الـ10% الباقين كان الشباك
أنا كنت بدور على شباك
أنا كمان محتاجه شباك
ومحتجاه جدا عشان أرمي منه
عشان كده قولت حعمله وأفتحه بمزاجي
عشان يكون ون واي أرمي بس مش عايزه حد يدخل راسه ولا يحشر نفسه
دي مش أول مدونة أعملها
أسألوا الحج جوجل .. ده عشرة عمر
دي التالته
إللى قبل كده دايماً كانت مشكلتهم أنهم يا مش ولاء خالص .. يا ولاء قوي
والحلتين صعب أني أكمل فيهم
لما قولت أن امدونه دي حتكون مدونه بالمعنى الحرفي للكلمه
كان قرار بعد لف على مدونات الخلق لمدة شهووووووووور
والنتيجه أني حسيت أن كله شبه بعضوا
كل الناس أللى بتكتب ف السياسه بيكتبوا نفس الكلام
واللى بيكتبوا أدب بيكتبوا ف نفس الخط
ما حستش بتميز غير عند اللى بيكتبوا عن نفسهم
ده تميز فطري ربنا خلقه كده فينا
وماله
ما تبقى المدونه أنا صحيت من النوم غسلت وشى وعملت كباية شاي
ده شباكي وأرمي منه أللى أنا عايزاه
كل ده بقى مقدمة عشان الموضوع الجاي
لما أحكي عن ولاء .. عادي دي مدونة ولاء
لما أكتب عن موضوع عام ف أي مجال
دي برضه ولاء
بس خلاص
