خطورة (١)

مسحت بإيدك دمعة وحتيط حلم

بعد ما كنت خلاص علمت القلب يشيل الهم

خلقتني شبشب يارب؟؟؟

طيب تلاته بالله العظيم أني لو ولد ما كنتم عملتوا معايا كدة

أتقوا الله

رفقاً بالقوارير

مش تجرجروهم بالحناطير




أنا لا طالبه مساواة ولا عايزة أخد حاجة مش بتاعتي

أنا بس طالبة عيشة كريمة

ضحكه من القلب

دفا وحنيه ولقمه هنيه





لكن لااااااااااااااا ودي تيجي


هو برضو الراجل الشرقي"" الله يحرقه بجاز "" يرضاها تعدي بسهوله كدة ؟؟؟



بصوا بقى

الراجل الشرقي عندنا ( وأنا هنا أتحدث عن رجال العالم العربي من المحيط إلى الخليج)


نوعين :- الأول تايووووووووووس

ودة نوع معروف ومشموم ولبته باينه << الله يبعده

عنا المصيبة بقى ف النوع التاني

إللي مش تيووووووس

لييييييييييييييييييييييييه

لأنه كدة وبساطة وبالصلاة على النبي(عليه الصلاه والسلام)

بيستخدم الحرمة بتاعتة ( بنته /أخته / مراتة ) عشان يصنف نفسه مع فئة معينة من الناس

فهمتوا ولا أفسر

والله حتى لو فهمتوا

حفسر أمال أنا داخلة أطلع غلي ف ميييييين!!!

ياعني الراجل المحترم المتدين اللي قايم نايم ف الجامع بيلبس مراته إسود ف إسود ويغطيها من ساسها لراسها << ولا يتشاف منها بصيص ضوء

ليييييييييه

عشان هي لا سمح الله مزه وفتنه ف المجتمع ؟؟؟

ولا عشان الباشا( الله يحرسه ) بيغير عليها وحيمووووت لو حد شاف كعب ريجلها حشاااا الله دي لو قلعت قدامه ملط ولا بيتأثر وبيصبحها كل يوم بتكشيرة ويمسيها بشخط ومحبط وبيتحصر ليل نهار على الدكر إللي متجوزه وهو بيتخيل ف بنت الجيران النغشه

أمال مغطييها ليييييييه؟؟؟؟؟؟؟؟؟؟؟؟؟؟؟؟؟

عشان هو عايز الفئه دي هو ينتسب للمجموعة دي من المجتمع والمجموعة دي ليها مظهر ومظهر حرمته( بنته / أخته / مراته ) هو تذكرة الدخول وكارنيه الإنتساب للمجموعة دي

أستنوا بس الله يهديكوا عندي أمثلة تانيه لا تفهمو آني علمانية ولا حاجه

ناموذج آآآآآخر

راجل كل دخلت صيف .....يجيب للحرمة بتاعته ك دهب علي ناضرتين ديور علي ساعتين إسبون وتلاقي الحرمة تجمع مركزي كل موديلات وماركات العالم الشهير ة والسياره بتتغير مع لون الجزمه

بيعمل كده لييييييييييييييه؟؟؟؟

مغرقها ف النعيم ومتاقيلها بالبنكنوت لييييييييييييه؟؟؟؟

عشان عيونها إللي تسحر؟؟ ولا عشان حبها وحنيتها معاه ؟؟

هو ف المعملة بينه وبينها نموذج لا يختلف إطلاقاً عن أخينا أبو سكسوكة إللي فوق أماال آيه ؟؟؟

نفس السبب كارنيه وتذكرة مرور( ،ف الحالة دي فترينة عرض بالمرة) لمجتمع يسمى رجال الآعمال وصفوة المجتمع وهما ف الأصل رجال أعمال سفليه بعيد عنك وعن السمعين وصفوة المجتمع دي ياعني الرغوة إللي بتتبقي ف الخلاط مطرح عصير اللمون وده معناه أنها مرة ومقرفه ومالهاش لزمه وبتترمي ف الزباله

قولو بقى رأس ماليه معفنه وأفكاري مادية

طيب أهمدوا بقى وخلوني أكمل كلامي مش حتقرفوني ف مدونة أهلي كمان

طبعاً إنتوا عارفين النموذج التات

إللي مقلعها عشان يدخل مرينا والله هي ممكن تكون مش عايزه مارينا ولا طايقاها

الراجل الشرقي"الله يحرقه "

إتعلم من زمان آن شرفه هو شرف حرمته ( سبق ذكر أنواع الحرمات التابعه له مش كل شويه بقي)

شرفه هو الشخصي واللي يعود مباشرة عليه من تصرفاته إنساااااااااااااا شرف مين يا بو شرف ده لازم يعاكس بنت الجيران ( عشان يبقى مقطع السمكه وديلها ) ويباتله يومين تلاته كل إسبوع برة البيت ( وماله ولد) ويشربله كاسين هباب على سجارتين زفت ( ووروني راجل يقدر يقوله بم << فترة مراهئه بقي >> ان شالله تعدي على خير )

بصو

مش حتكلم عن كلام قتل نقاشاً عن أنه ( أب / أخ /زوج ) داخل طالع بيزعق

مكشر
قالب بوزه



الكلام ده إتهرا نقاش




أنا من المجديدين ((( هي هي هي أهو لاقتلي فئة أنا كمان )))




بتكلم ف موضوع تاني


عايز يشرب زفت على دماغه يشرب ( إللي يشيل قربه مخرومه )

عايز يمشي مع بنات " المنتقة " كلهلم وما يسيبش حتى إخت صاحبه (وأنا مالي إللي يتكسف من بنت عمه ما يجبش منها خضار على رأي الليمبي)

لاااااااااااااااااااكن


وإللي حيجي بعد لــــــــــــــكــــــــــــن دي هو لب لموضوع




لكن

تستخدم الحرمه بتاعتك باسبور مرور

فاترينة عرض

ماسك تلبسه وتقلعه



ده على أساس إيه ياعني

شبشب

فاكرها شبشب ؟؟


ياعني لا موأخذة ياعني وهي ما لهاش نفس

ما لهاش مخ

مالهاش حياة






ياعني مقصوفة الرقبة << ما لهاش نفس يبقالها تجاريبها الخاصة

ياعني نص بنات مصر معاهم دبلومات وأكتر من نص بنات الدبلومات بيتخوزوا أول ما يخلصواالدبلون ياعني على عمر ١٧ /١٨ سنه بالكتير

تروح عايله وما لهاش مخ لسه أساااااساً

وبعيد عن السامعين تفضل طووول عمرها من غير المخ إللي بتتكلم عنه ده

طيب حتجيب مخ منين وهي عايشه تحت مظلة أفكار زي ( المركب أم ريسين ، والبيت دة ليه راجل ، واللي يمشي ورا الحريم )

رجل كرسي هي بقي إن شاء الله

وإللي يفرس الست تحمل

وتتحمل طلق

وتولد

وتفضل نفسه شهر وشويه

وترضع سنه وشويه

وتغير بامبرز

وتمسح قيئ

وتتبهدل آخر بهدله

و ف الآخر !!!!!

- عايزة أودي الواد حضانه

+ حضانة مين يا روح ماما ،،،،أنا معايا،،،، وبعدين ما إنت قاعده أهو فاضية طول النهار،،،، عايزه تسربي الواد ليه؟؟؟ ،،، شوفيلك شغلانه شيلي معايا شوية وإيقي ودي الواد مكان ما تحبي

نموذج تاني

- عايزة أودي الواد حضانه

= ياعني انت مستكتره مرتبك عليك ،، الحضانات مش نضيفه ومالهاش أمان ،، وديه عند أمك بدل ماهي ما ورهاش شغلناه وعمالة تربي لحم كده وخلاص.

نموذج تالت

-عايزة أنقل الواد من المدرسة >> المدرسين مش كويسين

+ عايزه ايه ؟؟ العيب برضو من المدرسين !! ولا الواد طالع غبي ومهمل زي أمه ،،يا عني حيجيبه من بره ،، يا خسارة تربيتي فيه ،، والله ما هو منقول ، ولو ما جبش مجموع عدل ما إنتش قاعدة ف البيت إنت كمان .




يا نهار أبوك إسود ومنيل

بقى أنا زووووووووق منى "" بعلمك "" فقط بحاجة تخص الواد << تبيع وتشتري فيا

كده الله يقطعهم دة صنف يا شيخ

شاريني أنا والعيال بفلوسك أظن ؟

أمال لييييييييه ؟؟؟

ليك ف الواد أكتر مني بأماااارة إيه ؟؟؟؟

رأيي أنا يضرب بالجزمه ليييييييه

مين قال مخك أنضف

مين قال أن عندك آصلاً....

يا راجل

يا محترم

يا متربي

يا إبن أمك

يا جوز مراتك

دي مش شتيمة

لما أنسبك ليا دي مش شتيمة ده شرف

هو إنت كنت حدوق الهنا من غيري؟؟

كنت حتشوف حنية من غيري؟؟

كنت حتدلع وتتهنن من حد غيري ؟؟

كنت حتأمر وتنهي وتبيع وتشتري وتطلع عقدك النفسوية كلها على حد غيري؟؟

هو إنت كنت حتبقى شحط كده وليك شعر ف وشك من غيري ؟؟؟

دايسني ليه ؟؟؟؟

دايس حياتي ليه ؟؟؟

واكل حقي وهاضمه وشخه كمان لييييه؟؟؟

مين قالك إني معزة تشدها وراك رايح جاي؟؟

مين قالك يا راجل يا عبقري يا محترم إنك لما تتجوزني صغيرة حتمشيني وتبرمجني وتسستمني زي ما ف كيفك وبالطريقه إللي تحلالك

مين قالك خدها طريه قبل ما تنشف

ما هي حتنشف عندك

ماهي لازم تنشف زي ما أنت منشف دمها

حتنشف وحتنشف دماغها ويبقي حجر

وحتضربه بالشبشب ينشف أكتر

حتضربه ف الحيطه ؟؟

حيرجعلك

كله حيرجعلك

حيرجع على دماغك

مش إنت حبيت تاخدها من غير لا دماغ ولا شخصيه ؟؟

وظبطها وسستمتها وعلبتها زي ما إنت عايز؟؟

أهو إشرب بقي

إشرب من إللي طلع منها

ما هو كان لازم يطلع لا هو إنت كنت مفكرها حتفضل شبشب على طول !!!

بص ماهو حيطلع حيطلع

يا حيطلع على دماغك

يا حيطلع عليها هي ويحيطير دماغها

طيب ما دور على واحدة عاقلة راسية متظبطة ومتسستمة وخالصة مخلصة شوفها حتركب على دماغك ولا لاء شوفها حتنفع تصريح دخول زي ما أنت عايز ولا لاء بس على الأقل يبقي بمازاجها بدل ما هو غصب عنها خدها من الفئه والصنف إللي أنت عايزه جاهز

لاكن بالله عليك تاخدها بيضة وحلوة كدة وطرية ودماغها زيها بالظـــــــــــــــــبط

وتسطر إنت وتهندس براحتك وتعيش هي بقلمك وقلم أولادك وتموت وهي لسه ما إتولدتش؟؟؟

ها تموت من غير ما تتولد؟؟

وتروح لربنا وهي قدمتك أنت وأبوها وجوز خالتها وجارهم والبقال والسايس وبتاع الفراخ وإبن البواب وسواق التاكسي عليه ؟؟

تقوله ايه ؟؟ ت

تحاسب على إيه ؟؟

تروح تقوله خفت منهم يارب

مشيت زي ما هما قالوا يارب

أصلهم علموني أخد من قلمهم هما يارب

طيب حاسبهم هما بقى يارب

خليهم يشيلوا عني بقى يارب

هما إللي عاشوا يارب

أنا كنت شبشب

حتحاسب شبشب يارب؟؟؟؟؟؟