مش عارفه ساقي بتاع بار
ولا بتاعة مانكير
ولا عندي سواق
دول الناس اللى دايماً البطل بياخد منهم النصيحة ف الأفلام الأجنبي
أنا بقى أخدها من ميييييييييييييييييين
مشكلة التوهه الحادة إللى بعانى منها من أكتر من عشر سنين
أحساس الوحدة القاتل إللى بيكبس على نفسي حتى وأنا بين الناس
أنا فين ورايحه فين وعايزه أيه
عايزه أنجح .. جدااااااااااااااااا
ف أيه بقى؟؟؟؟؟؟؟؟؟؟؟؟؟؟
ده السؤال
التميز اللى بدور عليه ومش قادرة أعمله حتى الأن
أوصله أزاي
أكتشف إللى جوة إزاي؟؟؟
أجيب منين الأشخاص إللى ف منتهى الحكمه واللى بيظهروا ف الافلام الأجنبي كومبارس لمدة دقيقتين يقولك الخلاصه ويحول حياة البطل للمسار الصحيح ويختفي .. واللى يفرس أنه مش بيظهر أسمه على تتر النهاية .. طيب أتصل بيه أزاااااااااااااااااااااااااااي؟؟؟
أمتى يبقى عندي الجرأه أنى أعلن عن أحلامي بدون خجل
ملعون أبو ده مجتمع كتم صوت الحلم ف حلقي
وخلى أهم مقايس النجاح أنك تيجي الدنيا وتطلع منها من غير ما حد يسمع عنك حاجة
يافرحت ماما بيكوا
جيت ليه طيب
عشان دول يتحكموا ف حلمي ويحركوه
طيييييب
أهو راح ومعالمه اتشوشت وأتشوهت وأتمسحت
وبقى كل الحلم .. أنى ألاقي حلم
أي حلم
ألاقي الفكرة .. الأحساس
الجري لغاية ما الواحد يتقطع نفسه .. ويضحك
السهر لما تمقق عينه .. ويضحك
نفسي أضحك من قلب قلب قلب قلبي
أمتى أبدء النهاية السعيدة اللى بتيجي ف الأفلام
أمتى الاقي الكومبارس اللى حيحول حياتى من فشل لنجاح
وهل الحل انى أنتظر الحل من كومبارس أسمه مش بيتكتب ف النهاية
أذا كان الأبطال الأساسين لا بيقدموا ولا يأخروا..
حيجيلي الحل من الكومبارس
أمتى ابطل شكوى وعياط على اللى فات "واللى ماما مصرة على أنه نقصان عقل"
منتظرة المعجزه
والسواق الفصيح
