هي كده

حبيبي نسيني وأنا نسيته
لا بقى يجيني ولا بدق باب بيته
سحب إيده - ولف بضهره لعيوني
وأنا سيبته ف عز الزحمه لجل يضيع
ومش باقيه ولا عايزه صفايح ملينين تقريع
وشبعانه من الملام ومعبياه ومكيساه ومستفاه للبيع


خلاص

بعد ما دبحنا بعض بالسكاكين
بعد ما حدفنا بعض بـ..... وطين
ليه لسه بتعدي من تحت شباكي وبتبص
وليه لسه بسيب نور أوضتي منور طول الليل
عشان لو عديت تحس بونس

مش كان خلص
مش قولت خلص
خلاص
خلص